Ruben Amorim, trajneri i Milanit, u intervistua nga CBS Sports Golazo pas ndeshjes Bournemouth-Milan, e cila përfundoi 3-0 për skuadrën angleze. Si do ta komentonit këtë paraqitje? Fakti që isha sërish në Angli nuk ka rëndësi. Kjo është një ndeshje e Europa League. Mendoj se ndeshja, në fakt, nuk nisi kurrë si duhet,ishte penalltia dhe më pas përjashtimi i vendosur nga VAR-i, dhe në atë moment ndeshja praktikisht kishte përfunduar. Ne u përpoqëm të sulmonim kur ishim 2-0 për të parë nëse mund të ktheheshim në lojë. Goli i tretë vulosi rezultatin, por sot nuk ishte një ndeshje e vërtetë,kishte vetëm një ekip me një lojtar më shumë në fushë, dhe kaq. Duke folur për ato incidente, e di që u përpoqët të flisnit me arbitrin në pushim. Cili është mendimi juaj për penalltinë dhe kartonin e kuq? Nuk e kam parë mirë penalltinë, por më thanë që krahun nuk e kishte në pozicionin e duhur, kështu që do t'u besoj fjalëve të stafit tim. Sa i përket kartonit të kuq… lojtari ynë u shty qartë, megjithatë ne gjithmonë flasim për mënyrën britanike të kuptimit të futbollit,mirë, në atë rast, nuk ishte kështu. Pavloviç u gjend në të njëjtën situatë. Por nuk dua të flas për arbitrin,thjesht duhet ta lëmë këtë pas vetes dhe të përpiqemi të fitojmë ndeshjen e ardhshme kundër Udineses. Çfarë mund të bëjë ekipi për të gjetur më shumë qëndrueshmëri në këtë kompeticion? Të fitojmë ndeshjen e ardhshme. Kështu ndodhi këtë herë, dhe kishim humbur edhe të parën. Duhet të… mirë, është një kompeticion i gjatë. Por tani duhet të përqendrohemi te liga,kjo është gjëja më e rëndësishme për ne në këtë moment.