Trajneri Ruben Amorim foli për DAZN para ndeshjes Udinese-Milan. Ka shumë mungesa. Rabiot, Gila, Moreira… A është kjo një vendim i marrë si masë paraprake? Ata nuk mund të luajnë. Ne duhet të menaxhojmë lojtarët. Me këtë kalendar ndeshjesh, është thuajse e pamundur, ne duhet të menaxhojmë gjithçka, dhe sot ata nuk janë në dispozicion. Sot, Diawara dhe Tomori janë në formacionin titullar për herë të parë në Serie A… E dimë që Udinese luan me pesë në mbrojtje, kështu që do të përpiqemi të mbrojmë në atë mënyrë, por në një mënyrë të ndryshme. E rëndësishme është se si rrotullohen lojtarët. Unë përpiqem të zgjedh lojtarë që janë në formë fizike dhe zotërojnë atributet e duhura. Ndoshta sikur të kisha pasur të gjithë në dispozicion, do të kisha luajtur ndryshe, por sot ndiej se ky është njëmbëdhjeti më i mirë për të nisur ndeshjen. Për të nisur, jo për të përfunduar ndeshjen. Rreth Maignan: Ata nuk janë djem, janë burra. Dhe Maignan e ka kuptuar që nuk mund të bëjë gjëra të tilla,ne nuk mund të vendosim veten në këto situata. Bisedova me të, ashtu siç bëra me të gjithë të tjerët. Mendoj se fillimi i ndeshjes kundër Bournemouth nuk kishte të bënte me arsye taktike apo teknike. Nuk është se ata ishin më të mirë se ne apo më të aftë,ata ishin më konkurrues. Ndonjëherë thjesht duhet të përqendrohemi në të qenit konkurrues dhe të harrojmë lojën e mirë apo lojën e bukur. Ndonjëherë duhet t'i qasemi ndeshjeve ndryshe. Rreth Ramosit: Ai është gati të luajë. Përndryshe, nuk do të ishte këtu. Ndjeu një shqetësim gjatë javës, iu nënshtrua testeve dhe tani është këtu. Na duhet çdo lojtar që fusim në fushë. Ata që janë në stol janë gati të hyjnë. Pra, nëse ai është këtu, është sepse është gati të luajë.