Bëmë një gabim dhe na kushtoi një gol. Por djemtë patën një pjesë të parë ku herë pas here vuanë, megjithatë patëm edhe periudha ku ishim me një lojtar më shumë. Dukeshim mirë në fushë, luajtëm një ndeshje me kalibër evropian. Kur mbetën pesë minuta, gjëja e fundit që do të kisha menduar ishte se do të humbnim. Më vjen keq për tifozët e mi, nisi të thoshte Maurizio Sarri për Sky Sport pas humbjes në Johan Cruyff Arena ndaj Ajax-it. Sarri, megjithatë, është i kënaqur me paraqitjen e lojtarëve të tij: Si të dalim nga kjo situatë? Me një rezultat. Por nuk duhet të largohemi nga kjo mbrëmje të dëshpëruar. Për mua, duket se ka më shumë gjëra pozitive sesa negative. Në këtë nivel, mos shfrytëzimi i situatave ku kemi avantazh numerik bëhet një barrë e vërtetë. Ne gjithashtu mund të përmirësohemi në mbrojtje. Por na mungojnë edhe katër qendërmbrojtës. Pastaj, sigurisht, ky ekip është më sulmues sesa mbrojtës,përfundoi Sarri.