Cristian Chivu analizon, për mikrofonët e DAZN, sfidën e barazuar 2-2 me Romën: Do të filloj me pjesën e dytë, atë që duhej të thoja për pjesën e parë e thashë në pushim dhe mbetet mes meje dhe lojtarëve,është e vërteta absolute dhe është ajo që mendoj. Jam i bindur që e dinë edhe ata. Në pjesën e dytë, për qëndrim, grintë, cilësi dhe personalitet, bëmë një ndeshje të shkëlqyer kundër një skuadre të madhe. Nxorëm diçka më tepër krahasuar me fillimin e sezonit: do të nisja nga aty, do të punojmë për të përmirësuar disa gjëra që mbeten mes nesh. Ishte një pikë e mirë në një fushë jo të lehtë. Krahasuar me vitin e kaluar, kur ishim pak më keq, jemi në një pikë të mirë: kemi përballuar dy përballje direkte me Napolin dhe Romën dhe 13 pikë janë një rezultat i mirë, por e dimë që ka shumë për të bërë.