Rafa Leao, sulmuesi i ri i Galatasaray-it, ende nuk ka arritur të lërë gjurmë me fanellën e verdhekuqe, as në aspektin e golave dhe asistimeve, e as në aspektin e paraqitjeve. Sonte Gala luajti si mysafirë kundër Genclerbirligi-t dhe fitoi 1-0 falë një autogoli të vendasve në minutën e 88'. Por lajmi nuk është aq fitorja sa ajo që i ndodhi Leao-s. Pas debutimit si titullar kundër Barcelonës në Ligën e Kampionëve, sot ish-lojtari i Milanit nisi nga stoli për t'i lënë vend Yilmazit. Në minutën e 61-të, trajneri Buruk vendos ta fusë për të provuar të çajë mbrojtjen kundërshtare dhe deri këtu asgjë e çuditshme. Por, vetëm 16 minuta më vonë, trajneri bën një tjetër zëvendësim dhe në tabelën elektronike ndizet numri 27 (i Leao) në të kuqe. Asnjë gabim dhe asnjë neglizhencë, pasi vetëm pak minuta pas hyrjes së tij në fushë, Leao u zëvendësua, gjë që natyrisht shkaktoi një reagim negativ nga portugezi.