Kylian Mbappè, ylli i Real Madrid, ka folur në prag të sfidës së Champions League kundër Interit, që do të zhvillohet nesër në "Santiago Bernabeu". Gjatë intervistës për SkySport, i është përmendur tifo i tij si fëmijë për Milanin dhe francezi ka reaguar kështu: Sigurisht që preferoj Milanin… Por Interi është një kundërshtar që meriton shumë respekt. Një skuadër cilësore. Kur pashë shortin, mendja më shkoi menjëherë te Thuram, pasi jemi shumë miq. Por ata kanë edhe Lautaron, i cili është një sulmues që di të bëjë diferencën. Sigurisht, shpresoj që jo në këtë rast. Mourinho? Një motivues i madh, po i transmeton grupit përvojën e tij të shumë viteve në karrierë. Është kënaqësi dhe privilegj të stërvitesh prej tij. Jemi të gjithë të bashkuar, por kështu ishim edhe vitin e kaluar. Fatkeqësisht, rezultatet nuk vijnë gjithmonë. Shikoni Francën time,donim të fitonim Botërorin, por nuk arritëm as të shkonim në finale… Topi i Artë është një çmim prestigjioz që çdo futbollist dëshiron ta fitojë. Më pyesin shpesh nëse këtë herë do të më takojë mua, edhe kur shëtis në rrugët e Madridit. Dhe ka nga ata që mendojnë se unë jam më i miri në botë… Unë besoj se është një vit i mirë për ta fituar, por nuk e di nëse votimet në fund do të më japin të drejtë" Kylian Mbappé, kur u pyet për Laminen dhe Raphinhën që mbrojnë më shumë se ai dhe Vini: Vetëm unë dhe Vini? Mund të bëja sikur nuk e di dhe t'ju thoja se unë shënoj më shumë se të dy që përmendët…. Të gjithë janë të ndryshëm, por natyrisht që duhet të përmirësohem ende. Mbappé, kur u pyet për ata që thonë se PSG fitoi dy herë Ligën e Kampionëve sepse ai u largua: Nuk më intereson. Këto tituj shiten, dhe të flasësh për mua shitet shumë mirë…. Mbappé, kur u pyet nëse disfata ndaj Spanjës ishte më e vështira në karrierën e tij: Ishte e vështirë. Më e vështira... nuk e di. Kam humbur një finale Botërori dhe një finale Champions League!. Nuk mund të fitojmë gjithmonë Kupën e Botës, sepse nuk është gjithmonë e mundur. Por ne jemi gjithmonë të etur.