Ishte një natë ëndrrash për Comon, që fitoi 1-9 ndaj Lensit në atë që ka qenë fitorja më e madhe e një skuadre italiane në Ligën e Kampionëve. Në komentet e tij pas ndeshjes, Fabregas nuk fshehu krenarinë e tij të jashtëzakonshme për performancën thjesht historike të skuadrës së tij: Një mbrëmje e lumtur. Kështu është futbolli,gjithçka shkoi në favorin tonë, por tani të përqendrohemi te ndeshja e së dielës. Duhet të përfundojmë me një rezultat të lartë. Nuk kam fituar kurrë gjashtë ndeshje rresht më parë, apo jo? Një mbrëmje e shkëlqyer për Comon dhe tifozët, por edhe për shumë nga djemtë. Por të mbajmë këmbët në tokë,përulësi dhe të vazhdojmë të punojmë. Një ditë e madhe, sigurisht, por tani të vazhdojmë të japim performanca të mira. Por jam i acaruar për golin që pësuam. Trajneri spanjoll shtoi, duke komentuar faktin që Como do të përballet me PSG-në dhe Barcelonën: Mendoja se ishte e nevojshme të merrnim sa më shumë pikë të ishte e mundur në fillim. Ka ende shumë ndeshje për t'u luajtur. Gjithashtu na mungojnë shumë lojtarë për shkak të dëmtimit. Le të japim gjithçka të dielën kundër Interit dhe pastaj të përpiqemi të pushojmë pak sepse na duhet edhe kjo.