Enzo Maresca nëse Rayan Cherki është një lider i ardhshëm i ManCity: Ai mund të jetë, po! Por mendoj se është e rëndësishme që të gjithë lojtarët të bëjnë një hap përpara në këto raste, sa i përket udhëheqjes, dhe kjo nga Rayan është shumë e mirë, sigurisht! Enzo Maresca për Donnarumma: Çdo lojtar, në fund të fundit, gabon. Gjëja e rëndësishme është të vazhdosh përpara, të kuptosh arsyen pse, të mësosh nga ai gabim, dhe thjesht të vazhdosh përpara. Në këtë moment, po flasim për Gigion, por mjafton të kujtojmë pritjen në minutat e fundit në transfertë ndaj Manchester United... Të gjithë lojtarët bëjnë gabime në disa momente të sezonit, ndonjëherë kushton pikë, ndonjëherë jo sepse jemi me fat. Por mendoj se është një proces normal për Gigion... Enzo Maresca për rikuperimin e Antoine Semenyo nga dëmtimi: Ai është mirë! Është në humor të mirë, është brenda ambienteve [të stërvitjes së ManCity], duke bërë seanca rikuperimi dhe gjithë terapinë që i nevojitet. Por sërish, është ende shumë herët... Enzo Maresca për JackGrealish: Unë ende mendoj se ai është një djalë i mirë, zemërmadh. Dhe unë ende mendoj kështu! Enzo Maresca për numrin e kartonëve të kuq të Chelseat sezonin e kaluar: Kur isha aty apo kur u largova? (Kur ishe aty!) Dhe kur u largova... Ju mungojnë informacionet. Kur isha aty, dhe kur u largova... Enzo Maresca nëse ndonjë lojtar tjetër i ManCity është 'i paprekshëm' si Donnarumma: Mendoj se një gjë është të thuash se, në këtë moment, Gigio plus 10 [të tjerë]. Dhe një gjë tjetër është të thuash 'i paprekshëm'. Janë dy gjëra të ndryshme. Nuk ka asnjë lojtar që është 'i pazëvendësueshëm'. Por ka lojtarë që janë, në këtë moment, Gigio plus 10... Mendoj kështu. Në këtë moment, janë Gigio plus 10. Në këtë moment, e shoh kështu...