FPF zgjidh situatat brenda vetes. E përsëris,ekziston një marrëdhënie shumë e fortë midis Jorge Jesus dhe Cristiano Ronaldos. Nëse nuk do të ishte kështu, ndoshta Ronaldo do të ishte larguar tashmë nga kombëtarja jonë. Çdo gjë që do të ndodhë në ditët në vijim do të jetë një kohë qetësie, bisedash dhe diskutimesh, dhe ajo që duam është që të gjithë të kthehemi me kombëtaren tonë në nëntor. Cristiano Ronaldo është lojtari më i mirë në histori. Ai i ka dedikuar më shumë se dy dekada futbollit portugez dhe është simboli më i madh i identitetit portugez. Prania e tij me kombëtaren është e merituar plotësisht falë aftësive të tij të jashtëzakonshme sportive, dhe kjo është e pakundërshtueshme. Ai do të mbetet gjithmonë pjesë e këtij grupi sa herë që është në formë dhe gati. Ajo që ndodhi mes tij dhe Jorge Jesus ishte thjesht një keqkuptim që duhet të zgjidhet brenda ekipit. Cristiano është pjesë e kombëtares, ai është ikona jonë, dhe ka qenë kapiten i ekipit në ndeshjen e parë nga katër ndeshjet. Cristiano Ronaldo është një ikonë portugeze dhe një lojtar i jashtëzakonshëm. Ai mund të kishte mbyllur karrierën në Kupën e Botës, por nuk e bëri për shkak të dashurisë për kombëtaren e tij. Unë mund të dëshmoj lidhjen që ai ndan me popullin portugez dhe kombëtaren tonë. Tani që katër ndeshjet kanë përfunduar, kemi kohën dhe qetësinë për t'u ulur së bashku dhe për të zgjidhur keqkuptimin. Cristiano është pjesë e trashëgimisë sonë, dhe ai do të jetë gjithmonë këtu sa herë që trajneri ta dëshirojë.